My spectrum of thoughts

Posts tagged ‘Poems’

Image

They make my life colorful…

They make my life colorful...

Itefaak se sahi,
Tujh jaisa dost har janam me naseeb ho!
Aansuon ka dariya bahe,
Ya khushiyon ki mehfil saje,
Dost mere, tu mere kareeb ho!

Lalkar

Chingari ko yun hawa na do! Sholay jag uthenge,
Awaaz ko yun dabane se yeh labz nahi thamenge!

Koshishen karlo hazaar, yeh haath kahan rukenge…
Kat jayenge lekin ab hum nahi jhukenge…

Shor na machayen toh sunayi kahan denge,
Aag ke bagaair hum dikhayi kahan denge…

Kitaaben nahi ab kalam uthayenge…
Jwala yeh dwand ki hum sabme jagayenge…

Kitni karoge koshish? Ab hum kahan rukenge?
Kat jayenge lekin ab hum nahi jhukenge…

Socha na tha…

Kabhi socha na tha, ki tum bhi duniya se mil jaaogi…
Yun mere aasuon ka mazaak banaogi…

Kabhi tum hi meri achaiyan ginati thi…
na socha tha ek din buraiyan ginaogi…

Har waqt saath nibhane ka waada karti thi…
Jab maine wo waada nibhana chaha toh haath chuda kar kahan jaa rahi ho?

Socha na tha ki aise beech raah me haath chuda kar door chali jaaogi..
Kya socha tha ki duniya se mil jaaogi, aise badal jaaogi…

From the heart of the victim…

Prologue: I came up with these lines while writing for a poetry competition,though I never participated there. The desire to be different led me to this headline Daughter raped by father…

Jo sharir tera hi ansh hai, usi ki numaish kar baitha tu…
Aey manav kya kiya tune? Daanav bankar baitha tu…

Jhijak na uthi tere mann me jab mai chikhi thi chilaayi thi?
Tere aise roop ko dekhkar aankh meri jab bhar aayi thi?

Pehli baar jab uthaya tha god me, kya tab bhi aise hi muskaya tha?
Yeh ghinauna khel tera kya tab hi tune rachaya tha?

Umeedon me jeena ab jeena nahi,
Sapno me kho jaana ab dardnak lagta hai,
Phir bhi dekho kaisa pagal dil hai ye humara,
Aapke armaano me jalta hai sulaghta hai…

%d bloggers like this: